Patuloy ang pagbaba ng mga bagong COVID-19 cases sa Eastern Visayas sa nakalipas na dalawang linggo.
Batay sa datos ng Department of Health (DOH), tatlong kaso lamang ang naitala sa Eastern Visayas, ang pinakamababang COVID-19 case sa rehiyon ngayong taon.
Ayon kay DOH Regional Information Officer Jelyn Lopez-Malibago, sa kasalukuyan ay mayroon na lamang 113 active cases sa Region 8.
Ang pagsadsad ng mga kaso ay bunsod ng patuloy na pagpapalakas ng gobyerno sa vaccine rollout.
Sa Tacloban City, ang pinaka-mataong lungsod sa rehiyon, 81.3 percent na ng populasyon ang fully vaccinated na laban sa COVID-19 hanggang nitong Pebrero a–26.