Nasagip ng militar ang ika-apat na bihag ng Abu Sayyaf na nakatakas mula sa kamay ng mga bandido sa lalawigan ng Sulu.
Kinilala ni Joint Task Force Sulu Commander B/Gen. Cirilito Sobejana ang nakatakas na bihag na si Edmundo Ramos alyas Moymoy, Lunes dakong 1:00 ng madaling araw.
Nasagip ng militar si alyas Moymoy sa paligid ng Tapian-Tana Island sa lalawigan nang dalhin siya doon ng ilang concerned citizen na hiningan niya ng tulong.
Kasalukuyang nasa kampo militar sa Basilan si Ramos habang sumasailalim sa medical examination at debriefing matapos ang kaniyang pagtakas.
