Ini-activate na ng Metro Manila Council o MMC ang serye ng mga hakbang upang maibsan ang traffic congestion sa gitna nang inaasahang holiday rush, tatlong linggo bago ang Pasko.
Ayon kay MMC President at San Juan City Mayor Francis Zamora, patuloy silang nakikipagtulungan sa Metropolitan Manila Development Authority upang matiyak ang mas maayos na daloy ng trapiko habang dumarami ang mga mamimili, motorista at mall goers.
Kabilang din anya sa kanilang mga ipinatupad na hakbang ang adjustment ng mall hours upang hindi magsabay sa rush hour, gayundin ang mga construction at road repairs ay sinuspinde para maiwasang makagdagdag sa traffic congestion.
Pinaalalahanan naman ni Zamora ang mga motorista na habaan ang pasensya at laging sumunod sa batas-trapiko habang papalapit ang Pasko.
