Tuloy na bukas ang pagpapatupad ng Department of Agriculture ng maximum suggested retail price o MSRP sa karneng baboy at carrots.
Ayon kay Agriculture Spokesman at Assistant Secretary Arnel de Mesa, itinakda ang MSRP sa 330 pesos kada kilo para sa kasim at pigue habang nasa 370 pesos kada kilo ang liempo.
Itinakda naman anya sa 120 pesos kada kilo ang MSRP para sa carrots.
Ipinaliwanag ni Asec. De Mesa na layunin ng MSRP na tiyaking hindi maaabuso ang presyo, lalo na ngayong holiday season.
Samantala, nanawagan ang DA official sa publiko na ugaliing piliin ang mga sumusunod sa MSRP pero sakaling may makitang tindahan na hindi tumatalima sa MSRP, maaari itong isumbong sa market administrator o sa kanilang tanggapan.
