Nagpatupad na ng gun ban sa BARMM o Bangsamoro Autonomous Region in Muslim Mindanao kasabay ng pagsisimula ng election period kahapon para sa nalalapit na parliamentary elections.
Ayon sa Commission on Elections, epektibo ang naturang ban hanggang Setyembre a-bente nuwebe.
Nagtalaga na rin ng checkpoints para sa mahigit isangdaang munisipalidad at tatlong lungsod sa BARMM para ipatupad ang mga patakaran.
Samantala, sinabi ni PNP Spokesman Colonel Allen Rae Co na mahigit tatlong libong kapulisan ang nakatalaga upang tiyakin ang seguridad sa BARMM sa panahon ng halalan.
Nakatakdang isagawa ang kauna-unahang parliamentary elections sa naturang rehiyon sa Setyembre a-katorse. | mula sa panulat ni Reianne Antiquina
