Inihayag ni House Secretary General Mark Llandro Mendoza na papayagan nang punuin ng full capacity ang plenaryo ng House of Representatives sa unang State of the Nation Address (SONA) ni Pangulong Ferdinand ‘Bongbong’ Marcos Jr.
Ayon kay Mendoza, inaasahan nila na kumpleto ang 315 na kongresista at 24 na senador sa sona na gaganapin sa Hulyo a-25.
Mababatid na sa huling dalawang SONA ni dating Pangulong Rodrigo Duterte ito ay hybrid o pinaghalong face-to-face at virtual attendance, kung saan limitado lamang ang bilang ng pinapasok sa plenaryo.
Samantala, sa pagtataya ni Mendoza ay 1,200 ang tao na maaaring payagan sa loob ng plenaryo ngayong taon.