Hindi pa rin kumbinsido ang mga kritiko ng Anti-Terrorism Act sa inilabas na Implementing Rules and Regulations (IRR) ng naturang batas.
Ayon kay National Union of Peoples’ Lawyers (NUPL) President Edre Olalia, nananatili pa ring malabo ang naturang batas at hindi aniya nabigyan ito ng linaw ng inilabas na IRR.
Tila sinusubukan lang umano ng IRR na isalba ang depektibo at unconstitutional na batas.
Kinuwestiyon naman ni Gabriela Party-List Rep. Arelen Brosas ang tila minadaling pagpapalabas ng IRR at hindi nahinintay makapag desisyon ang Korte Suprema kung saan may 37 petisyon ang nakahain laban sa batas.
Sa paglathala ng IRR, epektibo na at maaari nang ipatupad ang Anti-Terrorism Act.