Sa susunod na taon pa inaasahang matatapos ang flood control project ng Department of Public Works and Highways (DPWH) sa Blumentritt sa Maynila.
Ayon kay DPWH Secretary Rogelio Singson, Mayo o Hunyo ng 2016 ang target nilang matapos ang nasabing proyekto na kailangan din nilang ayusin dahil nagkataong naglalatag din ng tubo sa area ang Maynilad.
Tiniyak naman ni Singson na kapag natapos ang naturang proyekto sa Blumentritt ay mabilis na huhupa ang baha dahil didiretso na ang bahang galing pa sa Quezon City sa Estero Sunog Apog sa Maynila.
Sa ngayon aniya ay naglagay na sila ng pansamantalang bypass para mailipat ang naiimbak na tubig at hindi tumaas ang baha.
By Judith Larino
