Humarap na kay Department of Interior and Local Government (DILG) Secretary Ismael Sueno bilang Chairman ng National Police Commission on NAPOLCOM ang tatlong aktibong heneral ng Philippine National Police na pinangalanang protektor ng illegal drugs syndicates.
Closed door ang nangyaring pulong ni Sueno at iba pang NAPOLCOM Commissioners kina Director Joel Pagdilao, Chief Supt. Bernardo Diaz at Edgardo Tinio at hindi na nagpaunlak ng panayam sa media pagkatapos ng pulong.
Hindi kasama sa pulong ang dalawa pang akusadong heneral na sina retired Police General Vicente Loot at Marcelo Garbo dahil retirado na sila at hindi na sakop ng NAPOLCOM.
Una nang sinabi ng NAPOLCOM na tatapusin nila sa loob ng pitong araw ang imbestigasyon at sisikaping mailabas ang resulta sa loob ng isang buwan.
By Len Aguirre | Jonathan Andal (Patrol 31)