Naninindigan si dating Pangulong Rodrigo Duterte na hindi siya masamang tao, at kaya siya nasa International Criminal Court Detention Center ay dahil sa mga ginawa niya para sa ikabubuti ng Pilipinas.
Ito, ayon kay Vice President Sara Duterte, ay sinabi ng kanyang ama, matapos niya itong bisitahin sa piitan nito sa The Hague, Netherlands.
Sinabi ni V.P. Sara na araw-araw siyang humihingi ng mensahe sa kanyang ama sa oras na bibisitahin niya ito.
Binigyang-diin aniya ng dating pangulo na hindi lahat ng nakakulong ay masasamang tao at sinabin hindi siya naroon dahil siya ay kidnapper, magnanakaw, o holdaper; nakapiit aniya siya roon dahil sa ginawa niyang mga bagay para sa bansa.
Sinabi rin ng amang Duterte na hindi niya pinagsisisihan tinugis ang mga kriminal at illegal drug dealers sa Pilipinas noong kanyang administrasyon.
