Bibiyahe na sa Baguio City ang kauna-unahan nitong solar-powered bus at tricycle kasabay ng pagbabalik klase ng mga mag-aaral.
Libre ang sakay sa twenty-seater solar-powered bus at ten-seater solar-powered tricycle na bibiyahe sa central business district ng Dalawang buwan para sa technical demonstration.
Nakabase naman sa konsultasyon sa Philippine National Police, city government at mga apektadong jeepney operator at drivers association ang final approval ng mga rutang tatahakin ng bagong transport system.
Nilinaw naman ng project proponent na si Gladys Vergara na hindi sila nakikipag-kumpetensya sa mga public transport system bagkus ay nais nilang magbigay inspirasyon sa mga mamayan na lumipat na sa green technology at simulan ang paggamit ng solar energy upang mapigilan ang global warming at climate change
By: Drew Nacino