Nakatakda nang isapinal ng Metro Manila Council sa susunod na buwan ang mga lansangang kabilang sa ipatutupad na parking ban sa Metro Manila.
Sa panayam ng DWIZ, sinabi ni MMC President at San Juan City Mayor Francis Zamora na naatasan na ang mga alkalde sa buong Kamaynilaan na magsumite ng mga lugar kung saan i-implementa ang nasabing ban.
Nilinaw naman ni Mayor Zamora na hindi pagkunsinte sa mga may-ari ng sasakyan ang kanilang pagtutol sa total parking ban.
Kaugnay nito, nanawagan si Mayor Zamora sa mga nagmamay-ari ng mga bakanteng lote na gawing parking facility ang mga ito.
