Buo na ang fact finding team ng Korte Suprema na mag i imbestiga sa Apat na huwes na kasama sa narco list ng Pangulong Rodrigo Duterte
Itinalaga si Supreme Court Justice Roberto Abad bilang pinuno ng fact finding team na binigyan ng 30 araw para makapagpalabas ng report hinggil sa isyu
Kasabay nito ipinaabot na ng Korte Suprema sa Malakaniyang na uubra nang kasuhan ang mga nasabing huwes
Kabilang sa mga huwes na dawit sa narco list sina Judge Exequil Dagala ng municipal court ng Dapa-Socorro sa Surigao Adriano Savillo, RTC branch 30 ng Iloilo City, Domingo Casiple ng RTC branch 7 ng Kalibo, Aklan at Judge Antonio Reyes ng RTC branch 61 ng Baguio City
By: Judith Larino
