Umabot na sa 3.7 milyong indibidwal ang lumikas mula sa Ukraine dahil sa nagpapatuloy na kaguluhan sa pagitan ng Russia.
Ayon sa UN Refugee Agency, kabuuan itong 3,725,806 Ukrainians na lumikas sa nasabing bansa.
Mas mataas na ito ng 50, 854 mula noong nakalipas na araw.
90% ng mga lumikas ay mga kababaihan at bata habang mga lalaki ang natitira.
Sa kabuuang bilang ng lumikas, 2.2 milyon ang nagtungo sa Poland, mahigit 500,000 sa Romania at 20,000 sa Russia. – sa panulat ni Abby Malanday