Nagbigay ng payo si Pangulong Rodrigo Duterte para sa mga tatakbo sa pinakamataas na posisyon sa bansa ngayong darating na 2022 election.
Mahigit isang buwan ito bago tuluyang bumaba ang pangulo sa pwesto, na magdiriwang na rin ng kaniyang ika-77th kaarawan sa Lunes.
Sa inauguration ng Cancer Diagnostic Institute Building and Cancer Treatment Facility building ng Southern Philippines Medical Center sa hometown nito sa Davao City, ipinaliwanag ni Pangulong Duterte na isang mahirap na gawain ang pagiging presidente dahil sa napakaraming trabaho.
Samantala, tiwala naman ang pangulo na natupad niya ang kahilingan ng mga Pilipino bago siya bumaba sa pwesto.
Ilan dito ay ang laban kontra iligal na droga, korupsyon imprastruktura, universal healthcare, education at iba pa. – sa panulat ni Abby Malanday
