Inatasan ni Pangulong Ferdinand Marcos Jr. ang ilang ahensya ng pamahalaan para pag-aralan ang lahat ng posibleng paraan upang mapabalik sa Pilipinas si dating Congressman Zaldy Co.
Ayon kay Interior Secretary Jonvic Remulla, pinapa-plantsa na ni Pangulong Marcos ang special repatriation o ang pagbuo ng extradition treaty sa Portugal para mapauwi ang dating kongresista.
Ani naman ni Sec. Remulla, imposible ang extradition kung walang treaty ang bansa sa Portugal kaya isa lamang anya ito sa mga opsyon na pinag-aaralan.
Iginiit ng kalihim na may iba pang mga paraan o avenues na puwedeng gamitin tulad ng pakikipag-ugnayan sa International Police o Interpol at United Nations upang maging mas mabilis ang aksyon o proseso.
Matatandaang itinuturing si Co na isa sa mga pangunahing nasa likod ng malawakang korapsyon kaugnay ng flood control projects ng pamahalaan, na huling naiulat na nasa Portugal, isang bansa na walang extradition treaty sa Pilipinas.
