Sususpendihin at kakasuhan ng administratibo ng Department of the Interior and Local Government ang mga lokal na opisyal ng pamahalaan na mapatutunayang umepal sa anumang pamimigay ng ayuda ng pamahalaan.
Ayon kay Interior Secretary Jonvic Remulla, maaaring i-report ng publiko at i-refer sa Ombudsman ang sinumang LGU na paulit-ulit na lalabag sa anti-epal campaign upang makasuhan at maimbestigahan.
Pinag-iisipan din anya na gamitin ang “Sumbong sa Pangulo” website sa antas ng DILG upang makapagsumbong ang publiko.
Matatandaang nakapaloob na ngayon ang anti-epal campaign sa probisyon ng 2026 General Appropriations Act o pambansang budget.
