Hinikayat ng Bangko Sentral ng Pilipinas (BSP) ang publiko na samantalahin ang ‘E-Aguinaldo’ sa pagbibigay ng pamasko sa holiday season.
Ayon sa BSP, maaring magpadala ng pera sa pamamagitan ng digital transaction gamit ang e-wallet gaya ng Instapay at Pesonet gayundin ang mga QR code.
Inilunsad ito sa ilalim ng National Retail Payment System (NRPS) ng BSP upang palakasin ang digitalization ng mga pagbabayad sa bansa.
Sa kabila nito, ang paggamit ng mga online fund transfer at scan-to-pay QR code ay convenient para sa lahat.
Samantala, sa ilalim ng digital payments transformation roadmap, layunin ng bangko na i-convert sa 50% ang retail payments. —sa panulat ni Jenn Patrolla