Mahigit 4,000 katao ang hired on the spot sa mga job fair na idinaos sa buong bansa noong Hunyo 12 bilang bahagi ng pagdiriwang ng Araw ng Kalayaan.
Ayon kay Acting Labor Secretary Francis Tolentino, batay sa datos ng Bureau of Local Employment, nasa 4,476 na indibidwal ang agad nabigyan ng trabaho.
Dagdag pa ni Tolentino, mas marami ang mga kaagad na-hire ngayong taon kumpara noong 2025, na umabot lang sa 3,722 na indibidwal.
Kabilang sa mga trabahong nakuha ng mga jobseeker ay production operator, service crew, cashier, sales associate, bagger, packager, at customer service representative. — Sa panulat ni Anjo Riñon
