Umabot na sa halos 32 Milyong Dolyar o mahigit 1.7 Bilyong Piso ang tulong na ipinaabot ng Estados Unidos sa Pilipinas para sa rehabilitasyon ng Marawi City.
Kinumpirma ng U.S. Embassy sa Maynila na naglaan ang kanilang gobyerno ng karagdagang 5.55 Million Dollars o 296.2 Million Pesos na idinaan sa U.S. Agency for International Development.
Inilaan ang karagdagang pondo para sa pagpapalawak ng papel at pagkakabilang ng kababaihan sa recovery at rehabilitation ng lungsod maging sa nagpapatuloy na humanitarian assistance work.
Ang nalalabing halaga ng financial assistance, ang iba ay gagamitin sa livelihood o pagbibigay ng kabuhayan sa mahigit 7,800 naapektuhang pamilya.