Tumangging magkomento ang Department of Justice sa mga panawagan na muling bumalik ang Pilipinas sa International Criminal Court.
Ayon kay Justice Secretary Crispin Remulla, wala sa kanya ang kapangyarihan para sagutin ang mga panawagang ito.
Nilinaw ni Secretary Remulla na si Pangulong Ferdinand Marcos Jr. lamang ang makapagdidikta sa mga isyung may kaugnayan sa patakarang panlabas ng bansa.
Ang pilipinas ay miyembro ng ICC mula 2011 hanggang 2019, ngunit tumiwalag ito sa kasagsagan ng duterte administration. —sa panulat ni John Riz Calata
