Nagbabala sa publiko ang Department of Health (DOH) at Department of Trade and Industry (DTI) laban sa mga nagbebenta ng mga gamot at food supplements online na walang physical stores at walang lisensya.
Ayon kay Trade Undersecretary Ruth Castelo, marami ngayong online shops na walang kaukulang permit ang nagbebenta ng antibiotics, vitamins at supplemental medicine na ngayon ay in demand lalo’t may coronavirus disease 2019 (COVID-19) pandemic.
Ani Castelo, maraming unregistered sellers ang makikita ngayon sa marketplace ng Facebook na hindi mahahanap ng customer sakaling magkaroon ng problema sa kanilang biniling gamot.
Bilang aksyon, nakipag-ugnayan na umano sila sa Facebook na tanggalin ang naturang mga online seller.
