Ipinanawagan na ng Bangko Sentral ng Pilipinas sa Kongreso ang pagkakaroon ng batas laban sa coin hoarding.
Ito’y makaraang madiskubre ang nasa 50 million pesos na halaga ng iba’t-ibang baryang itinago sa isang bahay sa Quezon City, noong biyernes.
Naniniwala ang BSP Na ang pagkakaroon ng batas ay proteksyon sa integridad ng pananalapi ng bansa.
Noon pang 2014 naghain sa kamara at senado ng panukalang batas kaugnay sa coin hoarding subalit hindi pa malinaw ang estado nito.
Ipinaliwanag ng BSP Na nagreresulta sa kakulangan ng barya sa merkado ang pagho-hoard ng coins at nababalam din ang daloy ng transaksyon dahil sa artificial shortage na may malaking epekto sa financial system.
Samantala, muling umapela ang Bangko Sentral sa publiko na iwasan ang hindi tamang pag-iipon ng tambak na mga barya sa halip ay gamitin na lamang na pambayad o ideposito sa bangko. — Sa panulat ni Drew Nacino