Isinusulong ngayon na ituring bilang legal election propaganda ang mga “digital at static billboards” at iba pang “outdoor advertisements.”
Magaganap ito sa oras na maisabatas ang House Bill 8663 na layong amyendahan ang Republic Act 9006 o “fair elections act.
Sa ilalim nito, isinusulong na ituring bilang “lawful election propaganda” o legal sa batas ang mga digital billboards, outdoor advertising at iba pa dahil napapanahon sa gitna ng “digital age” at iba pang mga pagbabagong dala ng COVID-19 pandemic.
Ang COMELEC ang mangangasiwa ng regulasyon at kailangang sumunod dito ang mga kandidato sa itatakdang limitasyon at oras.
Ang Metropolitan Manila Development Authority (MMDA) naman ang susunding guidelines kung ang digital billboards ay matatagpuan sa Metro Manila, habang ang Land Transportation Franchising and Regulatory Board (LTFRB) ang magpapatupad ng regulasyon para sa “mobile o on transit advertisements.” – sa panulat ni Abigail Malanday
