Itinuturing ng National Disaster Risk Reduction and Management Council (NDRRMC) ang bagyong Odette bilang pinakamalupit na bagyong tumama sa bansa ngayong taon.
Aminado si N.D.R.R.M.C. Spokesman Mark Timbal na maihahalintulad o pangalawa sa super typhoon Yolanda noong 2013 ang bagyong Odette, pagdating sa pinsalang idinulot.
Gayunman, nilinaw ni Timbal na hindi tulad ng mga nakaraang mapaminsalang bagyo, mas maayos ang local government at public preparedness sa pagkakataong ito.
Sa pagtaya ng N.D.R.R.M.C., 58 na ang namatay habang nasa dalawandaan ang sugatan at labingwalo ang nawawala.
Taliwas naman ito sa naitalang death toll ng Philippine National Police (PNP) na 375.