Handa na ang kampo ni Vice President Sara Duterte para sa susunod na yugto ng impeachment trial matapos aprubahan ng Senate Impeachment Court ang pagpapatawag sa mga testigo kaugnay ng umano’y maling paggamit ng 612.5 million pesos confidential funds.
Ayon kay Defense Counsel Atty. Michael Poa, handa ang lahat ng abogado ng depensa na harapin ang mga testigo at argumento kaugnay ng Article 1 ng impeachment complaint laban sa pangalawang pangulo.
Iginiit din ng depensa na prerogative ng prosekusyon ang pagbawi sa ilan nitong mga testigo at maaari rin anilang itong gawin kung kinakailangan.
Nauna nang inaprubahan ng Impeachment Court ang pagpapalabas ng subpoena sa ilang opisyal ng Land Bank at House of Representatives bilang mga testigo sa pagdinig ng Article 1 sa ikatlong linggo ng paglilitis. | mula sa panulat ni Jordan Gutierrez
