Nanawagan ang Department of Education (DepEd) sa mga paaralan na huwag mag-imbita ng mga pulitiko bilang speaker sa mga idaraos na graduation ceremonies.
Iginiit ni Education Secretary Armin Luistro na panahon na upang itigil ang pag-iimbita sa mga pulitiko na aniya’y kakaunti rin lang naman ang nakikinig sa mga sinasabi ng mga ito.
Binigyang diin ni Luistro na mas mainam kung mga alumni na lamang ang imbitahan ng mga paaralan.
Naniniwala si Luistro na magsisilbing inspirasyon ng mga magsisipagtapos na estudyante kung alumni ng kanilang alma mater ang haharap at magbibigay ng mensahe sa mga ito.
By Ralph Obina
