Inaasahang isusumite na bukas, Huwebes, ng Department of Budget and Management (DBM) sa Ombudsman ang mga dokumento kaugnay sa coronavirus disease 2019 (COVID-19) response.
Sa gitna na rin ito ng imbestigasyon ng Ombudsman sa mga umanoy i-regularidad sa pagtugon ng gobyerno sa COVID-19 pandemic
Ayon kay Budget Secretary Wendell Avisado handa silang makipag-tulungan sa Ombudsman sa imbestigasyon nito.
Una nang inatasan ni Ombudsman Samuel Martires ang DBM at Department of Health (DOH) na isumite ang special allotment release orders sa cash benefits ng pamilya ng mga medical frontliners na nasawi dahil sa COVID-19.
