Handang sumailalim sa lifestyle check si Davao City Councilor Nilo ‘Small’ Abellera.
Ito ay matapos idawit si Abellera sa Davao Group na umano’y nag-o-operate sa Bureau of Customs o BOC.
Sinabi ni Abellera na handa siyang harapin ang anumang imbestigasyon sa kaniyang mga ari-arian dahil wala siyang anumang itinatago, sa simula’t simula pa lamang.
Kasabay nito, ipinabatid ni Abellera na apektado na ang kaniyang pamilya matapos siyang humarap sa pagdinig ng senado sa isyu ng suhulan sa Bureau of Customs.
Muling itinanggi ni Abellera ang pag-uugnay sa kaniya ni Senador Antonio Trillanes sa isyu ng suhulan sa BOC.
