Iniimbestigahan na ng Philippine Drug Enforcement Agency (PDEA) ang dalawang noontime show host na may kaugnayan sa pagbebenta ng ecstasy.
Ito ay matapos na maaresto ng mga awtoridad ang kilalang big time party drug supplier na si Steve John Pasion sa isang buy-bust operation sa Maynila nitong Lunes ng gabi.
Ayon kay PDEA Chief Director General Aaron Aquino, nakita sa telepono ni Pasion ang text message ng dalawang hindi pinangalanang host na umoorder ng dalawang daang (200) piraso ng ecstasy.
Hindi lamang isa kundi tatlong beses aniya nag-text ang dalawa para umorder ng iligal na droga.
Aniya handa silang ibunyag ang pangalan ng dalawa sa oras na ma-validate na ang kanilang impormasyon.
—-
