Kinumpirma mismo ni PNP Chief Oscar Albayalde na nakalaya na ang dalawang babaeng pulis na binihag ng Abu Sayyaf Group noong Abril 29 sa Patikul, Sulu.
Ayon kay Albayalde, nasa kustodiya ngayon ni Sulu Governor Sakurtan sina PO2 Benierose Alvarez & PO1 Dinah Gumahad.
Malaki aniya ang naging tulong ng gobernador para mapalakaya ang dalawang pulis.
Pero hindi pa malinaw ngayon ang detalye ng paglaya o kung nagkabayaran ba ng ransom.
Limang milyong piso ang hininging ransom ng Abu Sayyaf kapalit ng paglaya ng dalawang babaeng pulis na higit dalawang linggong binihag ng teroristang grupo sa Sulu.
