Aabot sa halos 200 personal na sasakyan ng mga pulis ang nakitaan ng paglabag.
Ito ay sa isinagawang surprise inspection ni NCRPO acting Regional Director Police Brigadier General Debold Sinas sa loob ng Camp Bagong Diwa kasabay ng pag lock down sa kampo upang walang makalabas na sasakyan.
Ayon kay Sinas, ipinag utos ang naturang hakbang ng bagong talaga na si PNP chief Police Gen. Archie Gamboa bilang bahagi aniya internal cleansing ng PNP.
Sinabi ni Sinas na nais matiyak ni Gamboa na rehistrado at hindi nakaw ang mga ginagamit na sasakyan ng mga pulis.
May ilan kasi umanong pulis na hindi nagpaparehistro ng kanilang sasakyan, galing sa na-recover o kaya kung minsan pa aniya ay carnap pa.
Giit ni Sinas, kung nagpapatupad ng batas ang mga pulis dapat din ay unang-una silang sumusunod.
