Hindi sinuportahan ng Pilipinas ang naging panawagan ng United Nations sa Myanmar na itigil na ang military campaign ng Rohingya Muslim.
Sa naging resolusyon ng United Nations, ipinahayag nito ang malubhang pagkondena sa karahasan at hindi naaayon na paggamit ng pwersa ng Myanmar laban sa mga Rohingya.
Sa nasabi ring resolusyon ay humirit ang mga bansa kay UN Secretary General Antonio Guterres na magtalaga ng special envoy sa naturang buddhist country.
Bukod sa Pilipinas, hindi rin ito sinuportahan ng Russia, China, Cambodia, Laos, Vietnam, Myanmar, Syria, Zimbabwe at Belarus.
Ang naturang non – binding measure ay nakatakdang pagdebatehan ng buong kapulungan sa susunod na buwan.
