Nagsasagawa ng special audit ang Commission on Audit (COA) sa P75-B coconut levy fund.
Ipinabatid ito ng COA sa pamamagitan ni Bulacan Congressman Jose Antonio Sy Alvarado na nag sponsor sa P12. 29-B budget ng COA para sa susunod na taon.
Ayon kay Sy Alvarado pinag-aaralan na ng mga auditor ang lahat ng usaping ini-report hinggil sa katiwalian na maaaring mangyari sa coco levy fund.
Ang hakbang aniya ay unang pagkakataon na ginawa ng COA hinggil sa posibleng katiwalian sa nasabing pondo.
Ang coco levy fund ay una nang idineklara ng Korte Suprema bilang pondong dapat pakinabangan ng mga magni-niyog at para sa pagpapaunlad ng Coconut Industry.
