Pinalawak ang water service interruption sa ilang lugar sa Metro Manila at Bulacan hanggang sa buwan ng Abril.
Ito’y dahil pa rin sa patuloy na pagtaas ng demand bunsod na rin ng mainit na panahong nagresulta sa mabilis na pagkaubos ng tubig sa mga reservoir.
Ipinabatid ng Maynilad na ibabalik na dapat noong akinse ng abril ang supply ng tubig sa ilang mga lugar ngunit hindi na muna ito itutuloy sa ilang mga barangay.
Kabilang ang ilang barangay sa Bulacan, Caloocan, Makati, Malabon, Maynila, Navotas, Parañaque, Pasay, Quezon City at Valenzuela.
Magsisimula ang naturang water interruption sa mga apektadong lugar mula alas diyes ng gabi hanggang alas kwatro ng madaling araw hanggang katapusan ng Abril.
Samantala, pinayuhan ng maynilad ang mga apektadong residente na mag-ipon ng sapat na supply ng tubig sa kanilang mga lugar.