Ibinabala ng Catholic Bishops’ Conference of the Philippines o CBCP Na posibleng manahin ng mga susunod na henerasyon ang mga baluktot na asal ngayon ng mga Pilipino.
Ayon kay CBCP President Socrates Villegas, napalitan na ng palamura, sinungaling at bastos ang mga Filipino values tulad ng pagiging maka-diyos, makatao at makabayan.
Sinabi ni Villegas na nangangamba siya na baka maging gabay ng mga bata ang mga baluktot na asal at maaari pang masadlak sa masamang kinabukasan ang ating bansa.
Isiniwalat pa ng Arsobispo na nalulungkot siya sa tuwing nababasa niya sa mga pahayagan ang pagpapakita ng masama umanong asal ng mga lider ng bansa.
By: Jelbert Perdez
