Home TRENDING

TRENDING

NEWSTRENDING

AFP, NANINDIGAN SA PAGPAPADALA NITO KAY LANS SA PAG-ASA ISLAND

written by DWIZ 882
col

Ipinagmalaki ni Armed Forces of the Philippines Spokesperson, Col. Francel Padilla, ang naging vlog ng trending content creator na si Louise Anne Nagal, o mas kilala bilang “Lans.”

Nabatid na kabilang si Nagal sa mga content creator na isinama ng AFP papuntang Pag-asa Island upang ipakita sa social media ang kalagayan ng mga residente nito at ang paninindigan ng Pilipinas sa West Philippine Sea.

Dahil dito, may mga ilang netizen ang kumwestyon sa kanyang pagpunta sa naturang isla, at kung binayaran ang 24-anyos na vlogger para pumunta.

Ipinukol naman ni Col. Padilla na hindi kailanman binebenta ang pagmamahal sa bansa, at patunay anya nito si Lans.

Itinanggi rin ni Padilla na binigyan ng talent fee si Nagal upang sumama sa Pag-asa Island.

Dagdag pa ng tagapagsalita ng sandatahang lakas, pinili ni Lans na gamitin ang kanyang plataporma upang ituro at ipaalala sa publiko ang paninindigan ng bansa sa West Philippine Sea; kaya dapat lang tularan ito ng mga Pilipino. | sa panulat ni Anjo Riñon

July 20, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNEWSTRENDING

DEFENSE TEAM NI VP SARA, TUTOL SA SUBPOENA PARA SA BANK AT TAX RECORDS

written by DWIZ 882
vp sara biro

Ipinababasura ng depensa ni Vice President Sara Duterte ang hiling ng House Prosecution panel na ipa-subpoena ang bank at tax records ng Bise Presidente at kanyang mister na si Atty. Manases Carpio.

Sa ika-anim na araw ng impeachment trial, inilatag ng defense at prosecution teams ang kanilang ligal na posisyon kaugnay sa pag-prisenta sa financial records ni VP Sara sa paglilitis.

Iginiit ni Defense Counsel Atty. Michael Poa na walang sapat na batayan ang naturang kahilingan ng prosekusyon dahil mali ang proseso at inuuna anyang magbintang bago maglatag ng matibay na ebidensya.

Binigyang-diin ni Atty. Poa na ang paglalabas ng subpoena para sa financial records ay maaaring lumabag sa mga probisyon ng Anti-Money Laundering Act, Tax Code, at Bank Secrecy Law na nagbibigay ng proteksyon sa pagiging kumpidensyal ng naturang mga dokumento.

Bahagi ng pahayag ni Defense Counsel Atty. Michael Poa sa oral arguments ng senate impeachment court kaugnay sa pag-subpoena sa tax records ni Vice President Duterte. | mula sa panulat ni Jordan Gutierrez

July 16, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNEWSRONDA PROBINSYATRENDING

MAGULANG NG GRADE 4 STUDENT NA NASAWI MATAPOS UMANONG PAINUMIN NG PAMPURGA SA PAARALAN SA CAVITE, NAGPASAKLOLO NA SA NBI

written by DWIZ 882
PATAY SA PURGA

Humingi na ng saklolo sa National Bureau of Investigation (NBI) ang magulang ng grade 4 student na si Rex Mission na nasawi matapos uminom ng pampurga sa Hugo Perez Elementary School-Annex sa Trece Martires City, Cavite.

Dumulog sa NBI ang mag-asawang si Leo at Rutchie Mission kasama ang Volunteers Against Crime and Corruption para imbestigahan ang sinapit ng kanilang anak.

Una nang kinumpirma ng Department of Education (DepEd) ang pagkamatay ng walong taong gulang na estudyante matapos ang deworming activity sa eskwelahan noong Hulyo 2.

Batay sa death certificate, ang sanhi ng pagkamatay ng biktima ay septic shock na dulot ng impeksyon sa central nervous system, subalit hinala ng mga magulang na maaaring nasobrahan ang dosage ng deworming medicine na naibigay sa kanilang anak.

Ipinagpaliban muna ng pamilya ang nakatakdang paglilibing upang maisagawa ang autopsy, na inaasahan nilang makatutulong sa pagtukoy ng tunay na sanhi ng pagkamatay ng bata. | mula sa panulat ni Jordan Gutierrez

July 14, 2026 0 comment
0 Facebook Twitter Google + Pinterest
HEADLINESNEWSTRENDING

NBI, INIREKOMENDA ANG KASO VS BALDWIN AT IBA PA

written by DWIZ 882
TAB BALDWIN

Inirekomenda ng National Bureau of Investigation (NBI) sa Department of Justice (DOJ) nitong Lunes, Hulyo 13, ang pagsasampa ng kaso laban sa dating Ateneo de Manila University men’s basketball head coach Tab Baldwin at labing-isa (11) pang indibidwal.

Ang rekomendasyon ay kasunod ng imbestigasyon ng NBI Homicide Division kaugnay sa insidente ng pagkalunod ng Ateneo student-athletes na sina Rene Baterbonia at Divine Adili sa isang training activity sa Dipaculao, Aurora noong Hunyo 8.

Inihain ng NBI ang reklamong reckless imprudence resulting in two (2) counts of homicide laban kina:

– Thomas Anthony “Tab” Baldwin (Resigned Head Coach)
– Ceasar Vincent “CJ” Elumba (Strength and Conditioning Coach)
– Grant Dearns (Strength and Conditioning Coach)
– Reynaldo “Jon” Jacinto Jr. (Assistant Coach)
– Caesar Castaño (Assistant Coach)
– Sandro Nicholas Soriano “Sandro” Romero (Assistant Coach)
– Hernan Ameer “Buboy” Domingo
– John Eric Ruecay Quiambao (Physical Therapist)

Samantala, inirekomenda rin ng NBI ang pagsasampa ng kasong simple negligence resulting in two (2) counts of homicide laban kina:

– Emmanuel Fernandez (Ateneo Athletic Director)
– Francisco Zubia III y Barangan (Resort Owner and Manager)
– Frederick Zubia y Barangan (Resort Owner and Manager)
– Yedda Mary Molina Rubio (Resort Co-Manager)

Kabilang din sa rekomendasyon ng NBI ang pagsasampa ng administrative case mula sa Department of the Interior and Local Government (DILG) laban sa lokal na pamahalaan ng Dipaculao, Aurora.

Ang rekomendasyon ng NBI ay isinumite sa DOJ, na siyang magsasagawa ng hiwalay na pagsusuri upang matukoy kung may sapat na batayan para sa pagsasampa ng pormal na kaso sa korte. | mula sa panulat ni LJ Torrefiel

July 13, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNEWSTRENDING

SELYADONG KAHON NG TAX RECORDS NI VP SARA AT NG KANYANG ASAWA NA SI ATTY. MANASES CARPIO, IBINALIK NA SA BIR

written by DWIZ 882
BIR BOX GREEN BOX SARA IMPEACHMENT

Naibalik na sa Bureau of Internal Revenue (BIR) ang selyadong kahon na naglalaman ng tax records ni Vice President Sara Duterte at kanyang asawang na si Atty. Manases Carpio, kahapon, July 7.

Isinagawa ang pagbabalik matapos iutos ni Senate Impeachment Presiding Officer Senador Chiz Escudero na ibalik muna ang mga dokumento, dahil wala pang legal custody ang impeachment court at hindi pa ito namamarkahan bilang ebidensya.

Ayon kay Presiding Officer Escudero, maaari pa ring hilingin ng impeachment court ang pagbubukas at paglalabas ng mga rekord kung kakailanganin sa mga susunod na bahagi ng paglilitis.

Samantala, iginiit ng BIR na ang pagbubukas ng income tax returns ay dapat sumunod sa National Internal Revenue Code na kinakailangang dumaan sa executive session at hindi sa pampublikong pagdinig.| mula sa panulat ni Reabelle Medina

July 8, 2026 0 comment
0 Facebook Twitter Google + Pinterest
NEWSTRENDING

SANDIGANBAYAN, TINANGGIHAN ANG HILING NI DATING SEN. ‘BONG’ REVILLA JR., NA DUMALO SA BUROL NG KANYANG KAPATID

written by DWIZ 882
bong

Tinanggihan ng Sandiganbayan ang kahilingan ni dating senador Ramon “Bong” Revilla Jr. na makalabas ng kulungan, upang dumalo sa burol ng kanyang kapatid na si Jojo Manungas Bautista sa Imus, Cavite.

Ayon sa Korte, maaaring magbigay ito ng impresyon na may espesyal na pribilehiyo ang dating opisyal kumpara sa ibang mga nakapiit.

Giit ng Sandiganbayan, maaaring maapektuhan din nito ang seguridad ng Bureau of Jail Management and Penology (BJMP) kung papayagan ang pansamantalang paglabas ni Revilla.

Sa halip, iminungkahi ng Korte ang virtual na paglahok ng dating mambabatas sa mga seremonya ng burol ng kanyang kapatid. | sa panulat ni Reabelle Medina

July 8, 2026 0 comment
0 Facebook Twitter Google + Pinterest
SHOWBIZTRENDING

TVJ PRODUCTIONS, NANALO SA KASO NITO LABAN KAY ANJO YLLANA

written by DWIZ 882
TVJ AND ANJO

Pinagbabayad ng Mandaluyong City Regional Trial Court Branch 279 ang dating Eat Bulaga host na si Andres Jose “Anjo” Yllana ng danyos matapos nitong magsalita laban sa TVJ Productions sa social media.

Matatandaang sinabi ni Yllana na may sindikato umano sa naturang noontime show, at inakusahan din niya si Senate President Pro Tempore Vicente “Tito” Sotto III na may kerida umano ito.

Ayon sa Mandaluyong RTC, pinagbabayad si Yllana ng kabuuang P3.5 million bilang danyos sa mga nasabi nitong pahayag laban sa TVJ at sa programa nitong Eat Bulaga.

Nagpasalamat ang TVJ sa naging desisyon ng Korte, at sinabi pa nitong nagsisilbi itong babala na hindi dapat gamitin ang social media upang wasakin ang karapatan ng ibang tao.

Samantala, may nakabinbin pang ibang kaso laban kay Yllana mula sa iba pang hosts ng Eat Bulaga, tulad ni Jose Manalo. | sa panulat ni Anjo Riñon

July 1, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNATIONAL NEWSNEWSTRENDING

KASUNOD NG TACLOBAN SHOOTING INCIDENT, AGARANG PAGPASA NG DIGITAL SAFETY OF MINORS ACT, IPINANAWAGAN SA KAMARA

written by DWIZ 882
SHOOTING INCIDENT SA TACLOBAN

Nanawagan si House Deputy Speaker David “Jayjay” Suarez ng agarang pagpasa sa House Bill No. 9825 o Digital Safety of Minors Act, kasunod ng shooting incident sa San Jose National High School sa Tacloban City na ikinasawi at ikinasugat ng ilang mag-aaral.

Nagpaabot si Suarez ng pakikiramay sa pamilya ng mga biktimang nasawi at maging sa mga naapektuhan ng madugong trahedya at iginiit na walang magulang, guro, o komunidad ang dapat makaranas ng ganitong klaseng sakit at takot.

Aniya, ang paaralan ay dapat ligtas na lugar o kanlungan ng pagkatuto at pagbuo ng pangarap ng mga mag-aaral at hindi ng karahasan.

Batay sa imbestigasyon ng mga otoridad, ang mga suspek ay na-expose umano sa mararahas na online content at may nakababahalang post sa social media na nagdulot ng pangamba sa epekto ng online safety.

Patunay aniya ito na dapat palakasin at higpitan ang proteksiyon ng mga menor de edad sa digital space sa pamamagitan ng age verification, parental consent, default safety settings, at pagbabawal sa targeted advertising sa mga bata.

Itinuturing ni Suarez na “wake up call” ang naganap na pamamaril sa Tacloban na kailangang maging seryoso sa pagprotekta sa mga anak pagdating sa paaralan, tahanan, at maging sa digital world na araw-araw nilang ginagalawan.

Iginiit ni Suarez, na hindi dapat binabalewala ang epekto ng harmful content, cyberbullying, online exploitation, at masasamang impluwensya sa mga kabataan.

Naniniwala si Suarez, na kapag ang mga bata ay naiiwan sa digital spaces nang walang sapat na gabay at proteksiyon, lumalaki ang panganib sa kanilang kaligtasan, pag-iisip, at paghubog bilang isang tao.

Nanawagan rin si Suarez sa mga kaukulang ahensya na palakasin ang security protocols sa mga paaralan at magbigay ng suporta sa mga pamilyang apektado ng pamamaril sa Tacloban. | via Geli Mendez/DWIZ Patrol

June 24, 2026 0 comment
0 Facebook Twitter Google + Pinterest
ENTERTAINMENTSHOWBIZTRENDING

CONTENT CREATOR COUPLE SER GEYBIN AT MAM ELMA, HIWALAY NA

written by DWIZ 882
SER GEYBIN AND MAM ELMA CONTENT CREATOR

Kinumpirma ng content creator couple na sina Gavin Capinpin at Elma Asagra, o mas kilala online bilang Ser Geybin at Mam Elma, na hiwalay na sila matapos ang pitong taong pagsasama.

Nagsimula ang mga ugong-ugong ng kanilang paghihiwalay matapos lumitaw sa social media ang mga alegasyong nanloko umano si Geybin sa kanyang kasintahan matapos siyang bumiyahe kasama ang isang babaeng nakilala lang bilang alyas “Ayra.”

Gayunman, iginiit ng ex-couple na walang third party na kinalaman sa kanilang desisyong tapusin ang kanilang pagsasama; at ayon kay Elma, magkaibigan lang sina Geybin at alyas “Ayra.”

Dagdag pa ni Elma, pakitang-tao lamang ang kanilang masasayang eksena ni Geybin sa harap ng camera, at aminado silang matagal na nilang kinakaharap ng lihim ang mga hamon sa kanilang relasyon.

Sa huli, nagpasalamat si Elma kay Geybin sa panahon ng kanilang pagsasama, at iginiit na may puwang ito sa kanyang puso. — sa panulat ni Anjo Riñon

June 24, 2026 0 comment
0 Facebook Twitter Google + Pinterest
HEADLINESHOT STORIES OF THE WEEKNEWSRONDA PROBINSYATRENDING

MGA NASAWI SA SCHOOL SHOOTING SA TACLOBAN, PINANGALANAN NA

written by DWIZ 882
TACLOBAN SHOOTING INCIDENT

Pinangalanan na ang tatlong estudyanteng biktima ng pamamaril sa San Jose National High School sa Tacloban City.

Kinilala ang mga biktima na sina Joyancee “Yancee” Separa (15, grade 9 student); Ayessa Nicole Dazo (14, grade 9 student); at Chris Lorenz Fabian (15, grade 10 student).

Nabatid na kinuhanan ni Separa ang isa sa mga viral video ng insidente bago siya binaril.

Si Dazo naman ang nakuhanan ng isa pang video na karga-karga ng ilang indibidwal upang itakbo sa ospital, ngunit kalauna’y idineklarang dead-on-arrival.

Itinuturing namang bayani si Fabian matapos niyang tinangkang harangin ang pintuan ng isang classroom, dahilan upang makatakas ang kanyang mga kaklase.

Sinubukan din niyang protektahan ang kanyang mga kaklase, ngunit tinamaan siya ng bala sa likod, na kanyang ikinamatay.

Samantala, inanunsyo ng Malacañang na makatatanggap ng tig-P150,000 na financial assistance ang pamilya ng mga nasawing estudyante. — sa panulat ni Anjo Riñon

June 24, 2026 0 comment
0 Facebook Twitter Google + Pinterest
Newer Posts
Older Posts