Itinanggi ni Assistant Ombudsman Mico Clavano na iniisa-isa nilang kinakaso ang mga miyembro ng Senate minority.
Ito’y matapos maghain ang Office of the Ombudsman ng graft at administrative complaints laban kina Senators Mark Villar at Camille Villar, at sa mga magulang nila na sina dating Senador Manny Villar at Cynthia Villar.
Kaugnay ito sa mga sinasabing iregularidad sa mga joint venture agreements sa pagitan ng PrimeWater at iba pang local water districts.
Iginiit ni Clavano na matagal nang iniimbestigahan ng Ombudsman ang mga reklamo at hindi lamang nakatuon ang imbestigasyon sa mga personalidad na sangkot. | Sa panulat ni Reianne Antiquina
