Unti-unti nang bumubuti ang economic activity ng bansa ngayong umiiral na ang mas maluwag na community quarantine.
Ayon kay Labor Secretary Silvestre Bello III, bahagya nang nakakabawi ang iba’t-ibang kumpanya o establisyimento, kumpara noong nakasailalim sa enhanced community quarantine (ECQ) ang karamihan sa mga lugar sa bansa.
Medyo [nakabawi na], compared doon sa ECQ, kasi ngayon, at least mayroong 50% pumapasok,”
Mababatid na alinsunod sa direktiba ng inter-Agency Task Force, hindi pinapayagan sa mas mahigpit na community quarantine ang pagda-dine in sa mga kainan maging ang pagbubukas ng mga pagupitan, na ibang-iba sa maluwag na community quarantine na pinahihintulutan ang ilang porsyentong kapasidad.
‘Yung barbershop ‘di pwede noon, ngayon pwede na. Mga manicurist… kaya medyo narevive ang mga economic activity,” ani Bello. —sa panayam ng Ratsada Balita
