Nagpaabot ng panalangin at pag-alala si Los Angeles Lakers Guard Jordan Clarkson sa mga kababayang Pinoy.
Sa kaniyang Twitter account, nag-post si Clarkson ng isang larawan kung saan, may mensahe ito na nagpapahayag ng pag-aalala sa mga kababayang sinalanta ng bagyong Lando.
Makailang beses nang nakapasyal sa Pilipinas ang Fil-Am na manlalaro ng NBA at nagpahayag din ito ng kaniyang pagnanais na makapaglaro sa national team na Gilas Pilipinas.
By Jaymark Dagala
Napanatili ni WBO Junior Flyweight Champion Donnie Ahas Nietes ang kaniyang titulo laban kay Juan Alejo ng bansang Mexico.
Tinalo ni Nietes si Alejo sa kanilang bakbakan sa parisukat na lona via unanimous decision.
Ngunt hindi naman pinalad si Brian “the Hawaiian punch” Viloria sa kaniyang pakikipagbuno kay roman “Chocolatito” Gonzales makaraan itong pahalikin sa lona via technical knockout.
Bukod kay Nietes, panalo rin sa undercard ang ilang pinoy boxer na sina mark magsayo para sa IBF Youth featherweight title.
Tagumpay din si Jason Pagara laban sa kaniyang katunggaling si Santos Benavides ng Nicaragua.
Habang ang panalo rin sa WBO Intercontinental Junior Featherweight title ang kapatid ni Jason na si Albert Benavides laan naman sa katunggaling si William Gonzales.
By: Jaymark Dagala
Kanselado ang pagbubukas ng 41st Season ng PBA o Philippine Basketball Association ngayong Linggo, Oktubre 18.
Ito ay bunsod ng masamang lagay ng panahon dala ng bagyong Lando.
Base sa abiso ng PBA management, isasagawa na lamang ang formal opening sa Miyerkules, Oktubre 21 kung saan maghaharap ang Rain or Shine at Star hotshots.
Una rito, nag-anunsyo na rin ang UAAP na kanselado na ang kanilang aktibidad na kinabibilangan ng basketball at beach volleyball dahil sa bagyong Lando.
By: Meann Tanbio
Kapwa tumitimbang ng 111.4 pounds sina World Flyweight Champion at Nicaraguan boxer Roman Gonzalez at 2-division champion Brian Viloria bukas.
Ito ay kaugnay sa sagupaan ng dalawang boksingero sa Madison Square Garden sa New York City.
Iwinagayway din nina Viloria at Gonzales ang bandila ng kani kanilang bansa.
Si Gonzales ay lalaban sa unang pagkakataon matapos umukupa ng mataas na puwesto sa pound for pound list ng Ring Magazine noong isang buwan samantalang apat na magkakasunod na laban ang naipanalo ni Viloria simula nang matalo ito noong 2013.
Tiniyak ni Viloria na patitikimin niya si Gonsalez ng aniya’y hawaiian punch bagamat alam niyang great fighter at great champion ito.
By Judith Larino
Posibleng hindi na makapaglaro sa nalalabing bahagi ng pre-season si Lebron James.
Kasunod na rin ito ng anti-inflammatory injection sa likod ni James sa gitna na rin nang pagpapaigting ng Cleveland Cavaliers sa kanilang paghahanda para sa regular season.
Gayunman, sinabi ni Cavaliers Coach David Blatt na titimplahin pa rin nila ang sitwasyon sa pagsisimula ng susunod na linggo bagamat hindi naman niya na inaasahang maglalaro talaga si James.
By Judith Larino
Pasok na ang Pilipinas sa quarterfinals ng FIBA 3×3 World Tour Final sa Abu Dhabi.
Pinangunahan ni Alaska Forward Calvin Abueva ang panalo ng bansa kasama si Vic Manuel, Troy Rosario at Karl Dehesa para talunin ang Doha squad ng Qatar.
Haharapin namin ng Manila North Team ang World Number 1 Novisad Alwahda sa quarterfinals ngayong umaga.
By Judith Larino
*Photo Credit: FIBA.com
Nangako si naturalized player Andray Blatche na maglalaro ito sa Gilas Pilipinas para sa FIBA Olympic qualifying tournament sa susunod na taon.
Ayon kay Samahang Basketball ng Pilipinas Deputy Executive Director Butch Antonio, ito ang binitiwang salita ni dating Brooklyn Nets player na si Blatche bago aniya maghiwa-hiwalay ang Gilas pagkatapos ng FIBA Asia Championship.
Matatandaang isa si Blatche sa mga sinandalan ng national team dahilan upang makuha ng Pilipinas ang medalyang pilak sa FIBA Asia.
Samantala, tiniyak naman ng SBP na kanila nang inaasikaso ang elegibility at availability ni Filipino American Jordan Clarkson upang makapaglaro ito para sa Gilas.
By Ralph Obina
Puspusan ang gagawing pagsasanay ng Gilas Pilipinas para paghandaan ang pagsabak ng koponan sa 2016 FIBA World Olympic Qualifying tournament.
Sinasabing sisimulan na ng Gilas ang kanilang training sa susunod na buwan na kabibilangan ng 17 atleta.
Ayon sa Samahang Basketbol ng Pilipinas o SBP at Philippine Basketball Association o PBA, inaayos na nila ang schedule ng national team upang maging solido ang paghahanda sa wild card tournament.
Sakaling makalusot ay mabibigyan ng pagkakataon ang Gilas na makasabak sa Rio Olympic Games.
Giit ni Al Panlilio, Board Governor ng MERALCO at Head ng MVP Sports Foundation, tiwala silang magiging matatag ang koponan hanggang sa 2016 dahil sa mga nadagdag na manlalaro.
By Jelbert Perdez
Binuweltahan ni Top rank CEO Bob Arum ang British boxing star na si Amir khan.
Ito ay kaugnay sa paninisi ni Khan sa kampo ni 8th division world Champion Manny Pacquiao kayat nadiskaril ang negosasyon sa laban nila para sa susunod na taon.
Binatikos ni Arum si Khan dahil sa pagiging madaldal at masyadong maingay nito.
Giit ni Arum, di dapat sisihin si Arum dahil sa wala naman aniyang nabuong kontrata sa pagitan ng dalawang kampo.
Pasaring pa ni Arum, marahil ang pagiging madaldal ni khan ang dahilan kayat nawalan din ng gana noon si Floyd Mayweather na makipaglaban sa British boxer.
By: Ralph Obina
Ikinagalak ng SBP o Samahang Basketbol ng Pilipinas ang desisyon ng PBA na ipahiram ang kanilang players para sa mas malakas na Gilas Pilipinas team sa Olympic qualifier sa susunod na taon.
Sinabi ni SBP Vice Chairman Ricky Vargas na ang nasabing desisyon ang anila’y hinihintay nilang panahon para higit na mapalakas ang puwersa ng Gilas na isasabak sa international events.
Nagpasalamat si Vargas sa PBA at maging sa team owners na paghuhugutan ng mga malalakas at magagaling na players para sa Gilas team.
Kaagad namang ipinalabas ng PBA ang listahan ng 17 best players na bubuo sa national pool na kinabibilangan nina 2-time MVP June Mar Fajardo ng San Miguel at Greg Slaughter ng Barangay Ginebra na mga dating miyembro ng Gilas team.
By Judith Larino