SPORTS

Matagumpay na naidepensa ni boxing champ Donie Ahas Nietes ang kaniyang korona kontra sa mehikanong si Raul Rayito Garcia via Technical Knockout.

Hindi na tumuloy pa sa ika-Anim na round ang laban makaraang sumuko si Garcia matapos sapuhin ang left hook mula kay Nietes sa ika-Limang round

Bago ito, maka-ilang beses na ring napaluhod si Garcia sa round 3 nang makatanggap ito ng sunud-sunod na suntok mula sa pinoy pride

Dahil dito, nananatiling hawak ni Nietes ang WBO Junior Flyweight Title na may 38 wins, 1 loose, 4 draw

Ginawa ang laban sa University of St. La salle Coliseum sa Bacolod City kagabi

By: Jaymark Dagala

Nasungkit ng Cleveland Cavaliers ang kanilang ikalawang korona sa Eastern Conference Finals.

Ito’y matapos durugin ng Cavs ang Toronto Raptors sa score na 113-87 sa Game 6 na ginanap sa sarili nitong bakuran sa Air Canada Center.

Tulad ng inaasahan, ang big 3 ng Cleveland ang bumuhat sa koponan tungo sa panalo na kinabibilangan nina Lebron James, Kevin Love, at Kyrie Irving.

Makakaharap ng Cavaliers ang mananalo sa serye sa pagitan ng Golden State Warriors at Oklahoma City Thunder sa Western Conference.

By Jelbert Perdez

Photo Credit: nba  

Sinampahan ng kaso ng Showtime ang Top Rank dahil sa hindi nito pagbabayad ng obligasyon sa isinagawang laban nina Floyd Mayweather at senator-elect Manny Pacquiao noong nakaraang taon.

Batay sa reklamo, mula May 12, 2016 ay nasa $686,753.07 dollars o mahigit P30 million pesos kabilang na ang interest ang hindi pa nababayaran ng Top Rank Inc. (TRI) sa Showtime Network Inc. (SNI).

Sa isinampang reklamo sa New York Federal Court, kasama din ang HBO na nagpalabas sa laban ang magsasampa ng kaso sa TRI.

Sa ngayon, hinihintay pa ng Showtime ang komento ng Top Rank kaugnay ng kaso.

By  Mariboy Ysibido  

Minamadali na ng Association of Boxing Alliances in the Philippines (ABAP) si retired 8-division world champion Senator Manny Pacquiao na mag-desisyon kung sasali o hindi sa Rio Olympics.

Ayon kay ABAP Executive Director Ed Picson, kailangan nang magdesisyon ni Senator Pacquiao bago ang deadline ng submission sa Mayo 27 para sa final olympic qualifier na siyang gaganapin naman sa Hunyo 16-25 sa Baku, Azerbaijan.

Hindi raw kasi nila matitiyak ngayon na magagamit pa rin ni Pacman ang “tripartite pass” nito sapagkat hindi lamang ang AIBA ang siyang nagdedesisyon dito ngunit maging ang International Olympic Committee at Association of National Olympic Committees.

Pero alanganin na rin ngayon si Pacman na sumali pa sa nasabing torneyo lalo pa at senador na siya ngayon.

By Mariboy Ysibido    

Inihayag ni Philippine Olympic Committee President Jose “Peping” Cojuangco na siyento-por-siyento umanong makakasungkit ng ginto si Sen. Manny Pacquiao kapag sumabak ito sa Rio Olympics.

Ayon kay Cojuangco, binuksan na ng AIBA o International Boxing Federation ang pinto nito para sa mga professional boxer sa Olympics.

Giit ng POC President, formality na lamang ang kulang bago mabibigyan ng pagkakataon sa Rio Games ang mga pro boxer na tulad ni Pacquiao.

Matatandaang paulit-ulit na inihayag ni Pacquiao na kung para sa karangalan ng bansa ay hindi siya magdadalawang-isip na sumabak sa Rio Olympics sa Agosto.

Gayunman, iginiit ni Pacman na mahalagang i-konsulta muna ang bagay na ito sa mamamayang Pilipino na bumoto sa kanya sa pagka-senador.

By Jelbert Perdez