SPORTS

Target ngayon ni Filipino ice skater Michael Christian Martinez na magtagumpay sa 2017 Southeast Asian Games.

Ito ang kauna-unahang pagsali ng ice skating at ice hockey sa nasabing palaro na gaganapin sa Kuala Lumpur Malaysia.

Ayon kay Martinez na bagamat pressured siya sa pagsali ay hindi niya hahayaan na pangunahan siya ng pressure.

Nasa pang-19 overall ang ranking ng 19-anyos na Pinoy skater sa World Ice Skaters.

By Mariboy Ysibido 

Photo Credit: GMA/ Jessica Bartolome

Isa pang atleta ang nagpahiwatig ng pag-atras sa RIO olympics sa Brazil sa Agosto dahil sa takot sa Zika virus.

Aminado ang Spanish Basketball Superstar  at Chicago Bulls Center Pau Gasol  na ikinukunsidera niya ang pag-atras lalo’t hindi lang naman siya ang nangangamba para sa kanyang kalusugan.

Umaasa si Gasol na magbibigay ng mga beripikadong impormasyon ang mga National Olympic Committee at International Health Organization hinggil sa sitwasyon sa  Brazil upang makapag-desisyon ng maaga ang mga atleta.

Sa larangan naman ng tennis, hindi  na rin makikibahagi sa olympics ang iba pang atleta gaya nina  John Isner ng US,  Bernard Tomic ng Australia at Feliciano Lopez ng Spain.

Bagaman batid na may Zika Virus Outbreak sa Brazil, nagtataka naman ang Spanish Tennis Superstar na si Rafael Nadal sa pag-atras ng kanyang mga kapwa manlalaro lalo’t ang olympics ang nag-iisa at pinaka-prestihiyosong sports event sa mundo.

Samantala, tutuloy pa rin sa naturang event ang world’s number 1 tennis player ng women’s division na si Serena Williams subalit sobrang ingat na ito sa kanyang kalusugan.

By: Drew Nacino  

Ipinagtanggol ni Sarangani Representative at Senator-elect Manny Pacquiao ang hindi nito pagsali sa 2016 Rio Olympics sa kabila ng malakas na panawagan ng ilang grupo.

Ayon kay Pacquiao, batid niyang maraming nagnanais na makapaghatid siya ng ginto para sa bansa ngunit malaki rin ang tungkulin niya sa mga nagtiwala at bumoto sa kanya bilang senador.

Matatandaang isa si Pacquiao sa mga naiproklamang panalo sa nakaraang halalan matapos makakuha ng malaking bilang ng boto sa senatorial race.

Tiniyak naman ng mambabatas na suportado pa rin niya ang mga atleta sa ibang paraan kahit hindi man siya personal na makikilahok sa pandaigdigang palaro.

By  Mariboy Ysibido   

Siguradong may pwesto na ang National University Bulldogs sa quarterfinals ng Fil Oil Flying V Preseason Premier Cup.

Ito’y makaraang mailampaso ng Bulldogs ang Emilio Aguinaldo College Generals sa score na 72-68.

Nagpamalas ng galing si Raymund Pascua sa nalalabing huling minuto ng laro nang maibuslo nito ang isang three pointer.

Samantala, sunud-sunod na foul ng Generals ang nakikitang nagpatalo sa koponan.

By: Avee Devierte

Matagumpay na naidepensa ni boxing champ Donie Ahas Nietes ang kaniyang korona kontra sa mehikanong si Raul Rayito Garcia via Technical Knockout.

Hindi na tumuloy pa sa ika-Anim na round ang laban makaraang sumuko si Garcia matapos sapuhin ang left hook mula kay Nietes sa ika-Limang round

Bago ito, maka-ilang beses na ring napaluhod si Garcia sa round 3 nang makatanggap ito ng sunud-sunod na suntok mula sa pinoy pride

Dahil dito, nananatiling hawak ni Nietes ang WBO Junior Flyweight Title na may 38 wins, 1 loose, 4 draw

Ginawa ang laban sa University of St. La salle Coliseum sa Bacolod City kagabi

By: Jaymark Dagala