SPORTS

Nakapagtala ng pinakamataas na ratings ang Game 1 ng NBA finals sa pagitan ng Cleveland Cavaliers at Golden State Warriors.

Batay sa overnight ratings mula sa Nielsen, nakapagtala ang NBA finals ng 13.1 na siyang pinakamataas mula nuong 2001.

Sinasabing nahigitan din ng Game 1 ang ratings ng nagdaang season kung saan unang naglaban ang dalawang koponan.

By: Jaymark Dagala

Lumakas lalo ang loob at tiwala sa sarili ng Golden State Warriors para sa NBA finals na magsisimula ngayong araw dahil sa kanilang pinagdaanang hirap sa Western Conference Finals.

Sinabi ni two-time MVP Stephen Curry na kampante ang buong koponan sa pagsisimula ng championship game kontra Cleveland Cavaliers dahil sa kanilang napagtagumpayang physical at mental challenge kontra Oklahoma City Thunder.

Mas liyamado rin umano sila kumpara sa Cleveland dahil naging matagumpay sila sa huling tatlong laro sa conference finals kung saan napakarami ang kanilang isinugal.

By Mariboy Ysibido

Banas na si  2 time NBA MVP Stephen Curry sa patuloy na pagkukumpara sa kanya kay NBA star Lebron James.

Hanggang ngayon kasi, pinagpipilian pa rin ng publiko kung sino sa kanila ang dapat na maging “face of the NBA.”

Sinabi ng Golden State Warriors lead scorer na si Curry, hindi iyon ang kanyang dahilan kung bakit siya naglalaro ng basketball.

Hindi rin, aniya, nito nais na agawin ang trono ni James o ano pa man.

Mariing sinabi ni Curry, makapagtala ng maraming puntos lang naman ang tanging layunin niya sa tuwing maglalaro.

By: Avee Deviete

Kumpiyansa si Golden State Warriors star point guard Stephen Curry na masusungkit nila ang back-to-back championship ngayong taon.

Ayon kay Curry, mataas ang morale ng team lalo’t nasubukan ang kanilang physical at mental health nang makarap sa do-or-die game sa Game 7 ng Western Conference finals ang Oklahoma City Thunders.

Kung maipapamalas muli anya nila ang kanilang ipinakitang husay sa conference finals at mananaig ang kagutuman sa championship ay malaki ang tsansa nila na masungkit ang kanilang ikalawang Larry O’brien trophy.

Gayunman, ibang gameplan ang kanilang gagamitin sa finals lalo’t uhaw din sa championship ang Cleveland Cavaliers kaya’t inaasahan na nila ang matinding opensa ng kalaban.

Samantala, nasa California na ang Cavaliers para sa Game 1 ng NBA Finals, na magsisimula sa homecourt ng Golden State sa Oracle Arena, bukas.

By Drew Nacino

Nais ni British boxer Amir Khan na katawanin ang bansang Pakistan sa Rio Olympics sakaling payagan ang pagsali ng mga professional boxers.

Ayon kay Khan, nais niyang maging representative ang Pakistan kung saan ipinanganak ang kanyang ama.

Dagdag pa nito na wala na itong magiging problema dahil sa nakakuha na ito ng silver medal sa lightweight category noong 2004 Athens Olympics bago pa man maging professional boxer.

Maituturing aniya na isang malaking karangalan ang pagsali sa nasabing Olympic games.

By  Mariboy Ysibido  

Dedesisyunan ng  International Boxing Association  o AIBA kung papayagan o hindi ang mga Professional Boxer na lumahok sa RIO Olympics sa Brazil sa Agosto.

Sasagutin din ng AIBA ang mga tanong hinggil sa  Dope Testing policies sa ilalaraga nilang pulong bago ang  International Olympic Committee Executive Meeting sa Lausanne, Switzerland.

Bagaman malabo sa RIO Olympics na lumahok ang mga pro-boxer, posible naman itong maganap sa 2020 Tokyo Olympics.

Aminado ang AIBA na masyado ng gahol sa oras upang makibahagi ang mga Pro-boxer sa  RIO Games subalit maituturing na Evolution ng boxing kung papayagan ang mga ito na lumahok sa pinaka-prestihiyosong sports event.

Magugunitang umatras si 8 Division World Champion  Manny Pacquiao sa paglahok sa RIO Olympics dahil mas prayoridad niya ang pagtatrabaho bilang bagong halal na senador.

By: Drew Nacino