SPORTS

Nagpaka-kampante ang Golden State Warriors kaya natalo sa game 3 ng NBA Finals kontra Cleveland Cavaliers.

Ayon kay Warriors Forward Draymond Green, opening quarter pa lang ay agad nang umarangkada ang Cleveland na punong-puno ng “sense of desparation” habang tila nagliwaliw lamang sila.

Agresibong dipensa rin ang obserbasyon ni Stephen Curry sa panalo ng Cavaliers.

Inamin ni Curry na wala siyang masyadong ginawa para mapigilan ang pagpapakitang gilas ng Cleveland, lalo na sa first quarter kung saan uminit ng husto sina NBA Superstar Lebron James at Star Point Guard Kyrie Irving.

Ngunit tiniyak naman ni Curry sa mga tagahanga ng Golden State na nasa magandang posisyon pa rin sila.

By Mariboy Ysibido

Determinado si Lebron James na mapasakamay ng Cleveland Cavaliers ang panalo sa Game 3 ng NBA Finals bukas.

Hawak na ng Golden State Warriors ang panalo sa Game 1 at 2.

Sinabi ni James na do or die game para sa kanila ang bakbakan bukas kontra Golden State Warriors kayat pinatindi pa nila ang kanilang practice at strategy.

Inamin ni James na hindi na nila kakayanin ang 3-0 record ng warriors kayat ibibigay na nila ang lahat sa Game 3.

Pinanghahawakan ni James ang naging bahagi ng kasaysayan kung saan hindi na nakabawi pa ang isang team matapos matalo ng tatlong beses sa best of seven series ng NBA finals.

By Judith Larino  

Kampante ang Golden State Warriors sa pagpapatuloy ng NBA Finals, subalit ayaw daw nilang pangunahan ang posibleng mangyari sa hinaharap.

Ayon kay reigning MVP Stephen Curry patibong na maituturing sa kanilang sarili kung iisipin na may perfect formula na sila para matalo ang Cleveland Cavaliers at wala itong tiyansang manalo sa serye.

Ayon naman kay Klay Thompson, hindi mindset ng Golden State na maliitin ang kakayanan ng Cavaliers kahit pa pitong beses na nila itong natalo sa mga nagdaang laro.

Sa pagkakataon daw na ito inaasahan nila na hindi magiging madali ang mga laro dahil sa “sense of desperation” ng Cavaliers.

Samantala, hindi naman nawawalan ng pag-asa si NBA Superstar Lebron James na mabaliktad pa ang resulta ng serye.

Kailangan lamang daw nilang matukoy sa lalong madaling panahon kung papaano nila mapapabuti ang kanilang paglalaro.

By  Mariboy Ysibido

Magbabalik-tanaw ang American Professional Golfer na si Tiger Woods sa kanyang naging tagumpay sa 1997 Masters.

Sa ikalawang libro na isusulat ni Woods, idedetalye niya roon kung paano nito na-break ang dalawampung tala na kinalauna’y naging daan niya upang maging kauna-unahang manlalaro na may tinaguriang Black Heritage na nakapanalo ng isang major championship.

Makakatuwang ni Woods sa pagsulat ng nasabing libro ang Canadian Golfer na si Lorne Rubenstein.

Ilalabas ang libro bilang hardcover, e-book, at audiobook sa Marso, isang buwan bago ang ika-dalawampung anibersaryo ng kanyang unang masters title.

By: Avee Devierte

Kinumpirma mismo ni reigning NBA MVP Stephen Curry ang hindi na paglalaro sa ilalim ng team USA na sasabak sa Rio Olympics.

Sinabi ni Curry na kinunsulta niya ang kanyang pamilya, ang kanyang team na Golden State Warriors at ilang malalapit na kaibigan bago nag-desisyong pagtuunan na lamang ng pansin ang kanyang kalusugan.

Binigyang diin ni Curry na sadyang malaking karangalang katawanin ang Estados Unidos subalit primary basketball related objective aniya niya ngayon matapos ang NBA Finals na ihanda ang kanyang katawan para na rin sa 2016-2017 season.

Magugunitang nitong weekend inihayag ni Curry na nagdadalawang-isip siya kung sasama sa preliminary squad ng team USA.

By Judith Larino  

Hirap si Cleveland Cavaliers star Lebron James na tukuyin kung ano ang ubra at hindi uubra sa kanilang hanay, lalo na umano sa opensa ng koponan.

Ito ay kasunod ng isa pang masaklap na performance ng Cleveland sa balwarte ng Golden State Warriors sa game two ng best-of-seven NBA Finals series kung saan may 2 panalo na ang defending champion.

Ayon kay Lebron, kailangan ngayon ng Cleveland na maging magaling sa lahat ng aspeto.

Ayon naman kay Coach Tyronn Lue Naaasar na rin umano ang buong koponan dahil sa sunod-sunod na pagkatalo kontra Warriors.

Maghaharap muli ang Cleveland at Golden State sa darating na Huwebes na gaganapin sa balwarte ng Cavaliers.

By  Mariboy Ysibido