SPORTS

Magiging import ng Rain or Shine si dating Ginebra at Globalport Reinforcement Dior Lowhorn sa nalalapit na PBA Governors Cup.

Matatandaang naglaro si Lowhorn para sa Ginebra noong 2013 Governors Cup at naging bahagi rin ng Globalport sa 2014 Governors Cup.

Si Lowhorn ay nag-a-average ng 30.9 points at 11.3 rebounds sa Ginebra habang 28.8 points at 11 rebounds kada laro sa Globalport.

Makakapiling ni Lowhorn ang Elasto Painters sa 2016 PBA Governors Cup na magbubukas sa hulyo 15.

By: Jelbert Perdez

Walang epekto sa magiging gameplay ng defending NBA champion Golden State Warriors sa Game 5 ng finals kontra Cleveland Cavaliers ang suspension kay Draymond Green.

Aminado sina Coach Steve Kerr at Klay Thompson na sa halip kabahan sa suspension kay Green ay posibleng magbigay ito sa kanila ng lakas ng loob at motivation.

Ayon kay Kerr, kung tutuusin ay marami rin silang mga magagaling na bench player gaya na lamang ng kanilang ipinakita sa Game 1 kung saan pinangunahan ni Shaun Livingstone ang Warriors upang masungkit ang unang panalo sa best of seven series.

Posibleng paglaruin din ng mas matagal ang 7 foot center na si Andrew Bogut o isabak sa court ang bench player at forward na si James Michael Mcadoo para sa Warriors.

Kumpiyansa rin anya sila na masusungkit na ng team ang kanilang ikalawang kampyonato bukas lalo’t liyamado na sila sa kartadang 3-1 bukod pa sa homecourt advantage.

Magugunitang tinawagan ng flagrant foul si Green matapos nitong tamaan sa bandang singit si Cavaliers star Lebron James sa nalalabing 2 minutes at 48 seconds ng 4th quarter sa Game 4 noong Sabado na nauwi naman sa 1 game suspension.

By Drew Nacino

Photo Credit: (Jose Carlos Fajardo/Bay Area News Group)

Suspendido na sa Game 5 si Golden State Warriors Forward Draymond Green.

Desisyon ito ng National Basketball Association (NBA) kasunod na rin ito nang paghagip ng kamay ni Green sa groin area ni Cleveland Cavaliers superstar Lebron James makaraang hakbangan siya nito.

Si Green ay pinatawan ng flagrant foul 1 at pinagmulta ng 25,000 US dollars matapos repasuhin ng referees ang recorded video ng naturang insidente.

Nakatakdang isagawa bukas ang Game 5 ng NBA finals kung saan hawak na ng Golden State Warriors ang tatlong panalo samantalang isa pa lamang ang panalo ng Cleveland Cavaliers.

By  Judith Larino  

Photo Credit: Jason Miller/Getty Images 

Kasalukuyang nasa Greece ang Gilas Pilipinas para sa unang bahagi ng kanilang training ilang buwan bago ang FIBA Olympic qualifying tournament.

Sampung araw mag-eensayo sa  Karpenisi,  Greece ang Gilas at matapos nito ay itutuloy nila ang kanilang training sa Istanbul, Turkey kung saan makakaharap ng koponan ang Turkish National Team sa tune up game.

Huling pupuntahan ng Philippine National Team ang Bologna, Italy kung saan lalahok ang Gilas sa four-nation pocket tournament laban sa hosts na China at Canada.

Inaasahang uuwi ang koponan sa June 28 o halos isang linggo bago ang pag-arangkada ng 2016 FIBA World Olympic qualifying tournaments sa July 4 hanggang 10 na gaganapin naman sa MOA arena, Pasay; Belgrade, Serbia at Turin, Italy.

By: Drew Nacino

Photo courtesy of John Reyes IG Account

Isinugod sa ospital ngayong araw ang ama ni undefeated retired Pound-for-Pound King Floyd Mayweather Jr.

Nabatid na nasa isang coffee shop sa Las Vegas ang ama ng boksingero nang isinugod ito sa ospital sakay sa isang ambulansya.

Ayon sa kampo ni Mayweather, na dehydrate lamang umano si Floyd Sr.

Patuloy naman umanong bumubuti ang kondisyon nito sa ngayon.

Si Floyd Sr. ay dati ring boksingero at isa sa mga nakalaban niya ay si Sugar Ray Leonard noong 1978.

By: Avee Devierte

Umatras na sa Wimbledon si Spanish tennis star Rafael Nadal.

Ayon sa 2-time Wimbledon champion, nagdesisyon siyang di na maglaro sa naturang torneo dahil sa iniinda nitong injury sa kaliwang wrist nito na natamo noon pang French Open.

Sinabi ni Nadal na mabigat na desisyon ang hindi maglaro sa Wimbledon ngayong taon ngunit sadyang kailangan muna niyang pagalingin ang kanyang injury na nakuha nito sa laban nila ni Rolland Garros.

Ipinabatid naman ng tagapagsalita ni Nadal na si Benito Perez-Barbadillo, kinakailangan ding sementuhan ang kamay ng Spanish tennis star na tatagal ng dalawang linggo at saka sisimulan ang anti inflamatory treatments dito.

Matatandaang 2010 nang huling napagharian ni Nadal ang Wimbledon.

By Ralph Obina