Mapanganib pa rin ang Golden State Warriors kahit pa suspendido si star power forward Draymond Green sa game five ng NBA Finals.
Ayon kay Cleveland Cavaliers star Lebron James, hindi kampante ng Cleveland at ayaw maliitin nito ang kakayanan ng Warriors kahit pa apektado ng husto ang dipensa nito dahil sa hindi paglaro ni Green.
Patunay umano dito ang tagumpay na nakamit ng Warriors kontra Houston Rockets at Portland Trailblazers sa postseason games kahit pa hindi naman nakapaglaro si MVP Stephen Curry sa loob ng dalawang linggo.
Nakita ni Lebron ang kakayanan ng Golden State na magtrabaho sa loob ng court kahit pa wala ang mga key players nito.
By Mariboy Ysibido
