Ipinahiya ng teenage German Tennis player na si Alexander Zverev si Swiss Tennis Superstar Roger Federrer
Ito’y makaraang talunin ni Zerev si Federrer sa Halle Open Semi-Finals sa score na 7-6; 5-7 at 6-3
Dahil dito, nabulilyaso ang target ni Federrer na masungkit ang kaniyang ika-9 na titulo
Nangyari ito isang dekada mula nang matalo rin si Federrer ng mas bata sa kaniyang si Andy Murray sa Cincinnati open nuong 2006
by: Jaymark Dagala
Tinatayang nasa isang Milyong Dolyar ang ipagkakaloob ng may ari ng Dallas Mavericks na si Mark Cuban sa Dallas Police Department
Ito’y ayon kay Cuban ay upang matiyak ang kaligtasan at seguridad ng mga miyembro ng Lesbian Gays Bisexuals at Transgender Community o LGBT sa kanilang Lugar
Ginawa ni Cuban ang hakbang kasunod ng malagim na trahedya sa Orlando, Florida kung saan, walang habas na pinagbabaril ang mga nasa isan Gay nightclub
Magugunitang nasa 50 ang patay habang mahigit 50 pa ang sugatan sa nangyaring pamamaril na itinuturing na deadliest mass shooting sa kasaysayan ng Estados Unidos
by: Jaymark Dagala
Nakatakdang dumating sa Maynila si Retired NBA Star Kobe Bryant sa Hunyo 26.
Ayon sa Nike, pangungunahan ni Bryant ang training camp sa piling manlalaro ng basketball.
Ang nabanggit na event ay pinamagatang “Mamba Mentality”.
Inaasahang ipagdiriwang din ni Bryant ang kanyang 20-Year career sa Smart-Araneta Coliseum.
By: Meann Tanbio
Umalma ang maybahay ni Golden State Warriors Point Guard Stephen Curry sa pagkakapanalo ng Cleveland Cavaliers sa Game 6 ng NBA Finals.
Sa Tweet ni Ayesha Curry, sinabi nitong dinaya ang Game 6 kung saan nag-all 3 na ang Warriors at Cavaliers.
Ayon kay Ayesha, maaaring para sa pera o ratings ang dahilan ng umano’y pandaraya sa naturang laro.
Nawala na, aniya, ang respeto niya para sa NBA.
Samantala, kumalat na sa social media ang naturang Tweets ni Ayesha bago pa man niya binura ang mga ito.
By: Avee Devierte
Aminado ang forward ng Golden State Warriors na si Draymond Green na hindi ito mabuting team mate.
Kasunod ito ng pagkatalo ng Warriors laban sa Cleveland Cavaliers sa mismo nilang balwarte noong Martes nang magkaharap ang dalawang koponan sa game 5 ng NBA finals.
Sinisi ni Green ang sarili kung bakit hindi ito nakapaglaro sa game 5 at hindi natulungan ang mga ka-teammate.
Matatandaang sinuspinde si Green matapos umabot sa 4 ang kanyang flagrant foul points sa kabuuan ng playoffs.
Gayunpaman, masaya ang buong Golden State Warriors dahil makasasama na nila bukas si Green para sa game 6.
By: Avee Devierte
Nakahanda pa rin ang Golden State Warriors kahit pa hindi makapaglaro sa Game 6 ng NBA Finals si Australian center Andrew Bogut.
Inaasahan ngayon ng Warriors sina Festus Ezeli, Anderson Varejao, James Michael Mcadoo at Marreese Speights ang siyang pupuno sa kakulangan ni Bogut.
Matatandaan na nagtamo ng knee injury si Bogut sa third quarter ng Game five nang direktang bumagksak sa kanyang binti si JR Smith ng cavaliers matapos na makabanggaan ito.
Gayunpaman, makakapaglaro na muli si All-Star Draymond Green matapos na masuspinde sa laro sa kanilang balwarte.
Ayon kay Klay Thompson, si Green ang “Heart and Soul” ng Golden State.
By: Mariboy Ysibido
Aminado ang Philippine Sports Commission na tila nagdadalawang isip pa ang ilang atletang Pilipino na sumabak sa RIO Olympics sa Brazil dahil sa banta ng Zika Virus Outbreak.
Ayon kay PSC Chairman Richie Garcia, bukod sa pangamba ng mga Pinoy athlete, may presensya rin ng super bacteria na sinasabing matatagpuan din sa karagatan ng Rio de Janeiro, Brazil.
Kamakailan ay lumabas ang ulat na nadiskubre ng mga siyentista ang “super bacteria” sa mga baybayin ng Rio de Janeiro maging sa ibang bahagi ng anyong tubig na gagamitin sa Olympics.
Kabilang sa mga apektadong lugar kilalang Copacabana Beach kung saan isasagawa ang Triathlon competitions at open-water swimming sa Agosto 5 hanggang 21.
Sa kabila nito, inihayag ni Garcia na kailangan nilang hintayin ang ibang karagdagang anunsyo mula sa World Health Organization bago magdesisyon.
sa ngayon, limang atleta pa lamang ang kumpirmadong lalahok sa rio olympics at ito ay ang mga boxer na sina rogen ladon at charly suarez, taekwondo jins na sina kirstie elaine alora, table tennis players na si ian lariba at long jumper marestella torres.
By: Drew Nacino
Nagsalita na ang 4 time MVP ng Philippine Basketball Association na si Ramon Fernandez hinggil sa ulat na kabilang siya sa mga ikinukunsidera bilang susunod na chairman ng Philippine Sports Commission.
Ito’y makaraang kumalat sa internet ang larawan ni Fernandez na itinaas ang kamay ni President-elect Rodrigo Duterte.
Ayon sa basketball legend na sinuportahan niya ang kandidatura ni President-elect Rodrigo Duterte subalit hindi naman siya naghangad ng kapalit.
Sa katunayan anya ay hindi siya nag-apply ng anumang posisyon at wala rin siyang hiniling kay Duterte sa kasagsagan ng kampanya nito.
Gayunman, aminado ang 62-anyos na PBA hall of famer na bukas siya sa posibilidad na italaga para sa isang posisyon.
Bukod sa dating Toyota Comets Star, kabilang din sa listahan ng mga posibleng pumalit kay PSC Chairman Richie Garcia sina dating Senator Nikki Coseteng, PBA coach Yeng Guiao at kasalukuyang PSC Executive Director, Atty. Guillermo Iroy.
By Drew Nacino
Maituturing na “greatest performances” ni Cleveland Cavaliers star Lebron James ang kanyang nasaksihan nang live ng manalo sila kontra Golden State Warriors sa game five ng NBA Finals.
Dahil ito sa “spectacular” performance umano na ipinakita ng teammate na si Kyrie Irving sa kanilang 112-97 victory kontra defending champion.
Bagamat kapwa tumipa ng tig-41 points sina Irving at Lebron, ang Cavs point guard ang siyang maituturing na best player sa court sa nasabing laro.
Ito ay dahil kaunti ng anim na tira si Irving kumpara kay Lebron na kumamada rin ng parehas na puntos.
Umangat din si Irving kumpara sa mas sikat na teammate matapos na nakapagposte ng 17/24 from the field shooting, kabilang na ang 5-of-7 3-pointers, at nagdagdag pa ng anim na assists.
By Mariboy Ysibido
“out” muna sa game 6 ng NBA finals si Golden State Warriors center Andrew Bogut.
Nagtamo ng injury sa kaliwang tuhod si Bogut matapos makabanggaan si JR Smith ng Cleveland Cavaliers na tinangkang mag-lay up sa nalalabing dalawang minuto ng 3rd quarter.
Sasailalim ang Australian basketball player sa MRI. Upang mabatid kung gaano ka-seryoso ang injury na natamo sa game 5 kung saan natalo ang defending champion sa score na 112-97.
Magugunitang hindi nakapaglaro sa game 5 ang forward ng Warriors na si Draymond Green matapos patawan ng 1 game suspension.
Bagaman hindi makapaglalaro sa game 6, inaasahang babalik naman si Green para makaharap ang Cavaliers sa homecourt nito sa Quicken Loans Arena sa Sabado.
By: Drew Nacino