SPORTS

Inihayag ni Philippine Olympic Committee President Jose “Peping” Cojuangco na siyento-por-siyento umanong makakasungkit ng ginto si Sen. Manny Pacquiao kapag sumabak ito sa Rio Olympics.

Ayon kay Cojuangco, binuksan na ng AIBA o International Boxing Federation ang pinto nito para sa mga professional boxer sa Olympics.

Giit ng POC President, formality na lamang ang kulang bago mabibigyan ng pagkakataon sa Rio Games ang mga pro boxer na tulad ni Pacquiao.

Matatandaang paulit-ulit na inihayag ni Pacquiao na kung para sa karangalan ng bansa ay hindi siya magdadalawang-isip na sumabak sa Rio Olympics sa Agosto.

Gayunman, iginiit ni Pacman na mahalagang i-konsulta muna ang bagay na ito sa mamamayang Pilipino na bumoto sa kanya sa pagka-senador.

By Jelbert Perdez  

Naka-ban ang 31 altela na maglaro sa 2016 Rio Olympics ngayong Agosto.

Ayon sa International Olympic Committee, ang mga atletang pinagbawalan nang maglaro ay mula sa anim na isport makaraang magpositibo ang mga ito sa drug test sa nakaraang 2008 Beijing Games.

Sinabi ng IOC na kanila na ring isasalang sa re-testing ang mga doping samples noong Sochi 2014 Winter Games.

Layon ng hakbang na ito na pigilan na ang pandaraya sa Olympics gamit ang performance enhancement drugs.

By  Ralph Obina 

Babalik lamang sa pagboboksing si retired undefeated pound-for-pound king Floyd Mayweather Jr. kung si mixed martial artist Conor McGregor lang ang kanyang makakalaban.

Ayon kay Mayweather, “napaka-intriguing” umano ng laban nila ni McGregor kaya gustong-gusto niyang matuloy ito.

Lalo pa aniya at isang mixed martial artist ang kanyang makakalaban at hindi isang boksingero.

Bilib din si Mayweather kay McGregor sa kakayahan nito kaya may bubuuin silang “master plan” para lang matuloy ang ninanais na laban.

Roach

Bukas naman si hall of fame trainer Freddie Roach na i-train si UFC Lightweight Champion Conor McGregor.

Ito ay para sa posibleng bakbakan sa pagitan nina McGregor at Floyd Mayweather.

Kinumpirma ni Roach na kinausap siya ng kampo ni McGregor para sa posibilidad na maihanda ang UFC fighter sa isang boxing match.

Gayunman, sinabi ni Roach na hindi niya batid kung papayagan ng UFC na lumaban sa boxing si McGregor.

By Mariboy Ysibido | Meann Tanbio

Promoted na bilang bagong coach ng Indiana Pacers si top assistant Nate Mcmillan.

Ayon kay Pacers president for basketball operations Larry Bird, si McMillan ang naatasang magdala ng pagbabago sa kulturang mayroon ang mga players ng  koponan.

Sinabi ni Bird na bilib siya sa old school man ngunit epektibong pamamaraan ni McMillan sa paghawak sa isang koponan.

Tiniyak naman ni McMillan na kanyang ihahanda ang bawat manlalaro ng Pacers sa magiging laban ng mga ito sa abot ng kanyang makakaya.

By: Ralph Obina

Itinalaga ni FIFA president Gianni Infantino si Fatima Samoura, ang UN diplomat ng Senegal, bilang kauna-unahang babaeng secretary general ng organisasyon.

Sinabi ni Infantino na si Samoura ang pinaka competent na tao para sa posisyon dahil mayroon na itong karanasan sa paghawak ng malaking organisasyon.

Si Infantino ay naihalal noong Pebrero at kanyang pinalitan si Sepp Blatter.

Bago maitalagang secretary general, si Samoura ay nagsilbi sa United Nations sa loob ng 21 taon.

Pormal na uupo si Samoura sa kalagitnaan ng Hunyo, matapos ang eligibility check na gagawin ng isang independent review committee.

By: Katrina Valle 

Napasakamay ni Alaska Aces Star Calvin Abueva ang kauna-unahan niyang best player of the conference award sa 2016 PBA commissioner’s cup.

Kabuuang 1,150 points ang nakuhang boto ni Abueva mula sa limang manlalaro ng PBA.

Pumangalawa lamang si Greg Slaughter ng Barangay Ginebra na mayroong 752 points.

Pasok naman sa top five sina Terrence Romeo (Global Port), Jayson Castro (Tropang TNT) AT Carlo Lastimosa (Blackwater).

Samantala, nasungkit naman ni Arinze Onuako ng Meralco bolts ang best import of the conference.

By: MeAnn Tanbio