Pasok na sa Western Conference Finals ang Golden State Warriors.
Ito ay makaraang talunin ng Warriors ang Portland Trail Blazers sa Game 5 ng Western Semifinals.
Sa pangunguna ni two time MVP Stephen Curry, nasungkit ng Warriors ang 125-121 na iskor pabor sa kanilang koponan.
By Ralph Obina
Walang pangangailangan para ikansela ang Rio Olympics na nakatakdang idaos ngayong Agosto sa kabila ng banta ng zika virus.
Ayon sa International Olympic Committee, mahigpit nilang minomonitor ang sitwasyon sa Brazil upang matiyak ang kaligtasan ng mga lalahok na atleta mula sa ibat ibang bansa.
Nanindigan ang IOC na wala nang atrasan pa ang pagdaraos ng Olympics sa Rio de Janeiro.
Una rito, umapela ang Canadian Health Professor na si Amir Attaran na ipagpaliban o ilipat ng ibang petsa ang 2016 Olympics.
Ito ay dahil sa unfair para sa mga bansang Nigeria, India at Indonesia na ipagpatuloy ang Rio Olympics dahil wala aniyang resources ang mga ito na labanan ang zika virus.
By Ralph Obina
Abot-kamay na ng Rain or Shine Elasto Painters ang kampeonato sa PBA Cup.
Isang panalo na lamang ang kailangan ng Elasto Painters para pagharian ang PBA season matapos manaig muli sa ikatlong pagkakataon sa kanilang sagupaan ng Alaska Aces.
Sa Game 3 ng best of seven finals series kagabi, muling pinahiya ng Elasto Painters ang Aces sa score na 112-108.
Itinakda bukas, Biyernes ang game 4 sa pagitan ng Elasto Painters at Aces.
By Judith Larino
Photo: PBA Images
Pinangunahan ni Russel Westbrook ang panalo ng Oklahoma City Thunder kontra sa San Antonio Spurs sa iskor na 95-91.
Ito ay sa katatapos lamang na game 5 ng Western Conference semi final series.
Tumipa ng 35 puntos si Westbrook na nagbigay daan sa 3-2 lead ng Thunder.
Ang game 6 ay gagawin sa Biyernes, oras dito sa Pilipinas sa home court ng Oklahoma.
By Ralph Obina
Photo Credit: USA TODAY Sports
Balik-octagon sa Hulyo ang professional Mixed Martial Arts fighter na si Holly Holm.
Ito ay matapos ang masaklap na pagkatalo sa kalabang si Amanda Nuñes noong marso via unanimous decision.
Makakalaban sa Hulyo ni Holms ang UFC Women’s Bantamweight Title holder na si Valentina Shevchenko ng Peru.
Matatandaang si Holms ang nagmantsa sa malinis na record noon ni MMA fighter Ronda Rousey via technical knockout.
By Ralph Obina
Nagpakitang gilas si reigning NBA MVP Stephen Curry sa kanyang muling paglaro para sa post-season games.
Tumipa ng NBA-record 17 points sa overtime, at nagtapos bitbit ang 40 points si Curry na kagagaling lang sa natamong knee injury.
Dahil dito, natakasan ngayon ng Golden State Warriors ang kahihiyan at sa halip ay naitaas ang bilang ng kanilang panalo sa 3-1 sa pagpapatuloy ng Western Conference semi-finals series.
Diniskaril ng Warriors ang Portland Trail Blazers, 132-125 sa overtime game.
Kapag maipanalo pa ng defending champion ang game five na gaganapin sa kanilang balwarte sa darating na Huwebes, diretso na ang koponan sa Conference Finals.
By Mariboy Ysibido
Photo Credit: USA Today Sports
Naungusan na ni Swiss tennis star Roger Federer sa world number two spot si Andy Murray.
Ito ay matapos ang masaklap na pagkatalo ni Murray sa kamay ni Novak Djokovic sa Madrid Masters Final.
Sa kabila ng magandang ipinakata ni Murray sa naturang torneo ay nabigo itong maidepensa ang kanyang titulo kayat bumagsak ito sa ikatlong pwesto.
Samantala, napanatili naman ni Djokovic ang kanyang pangunguna sa world ranking makaraang masungkit ang masters title nito.
Ngayong linggo, magsisimula naman ang Italian Open.
By Ralph Obina
Balak ni Amir Khan na bumalik na lamang sa welterweight division matapos patulugin ni middleweight champion Canelo Alvarez.
Bagamat sa tingin niya ay malakas siya sa 155 pounds, sinabi ni Amir na natural sa kaniya ang mas mababang timbang na eksakto sa welterweight.
Samantala, mananatili pa ring mandatory challenger ng WBC si Khan laban sa kampeon na si Danny Garcia.
Taong 2012 nang ma-knock out ni Garcia si Amir sa Junior Welterweight Division.
By Judith Larino
Dinumog ng kanyang fans si 8-Division boxing champion Manny Pacquiao matapos itong bumoto sa Kiamba Central Elementary School sa bayan ng Kiamba sa Sarangani Province.
Ganap na alas-11:30 kaninang umaga ay nakapag-cast na ng kanyang boto sa nabanggit na eskwelahan ang Pambansang Kamao na tumatakbo sa pagka-senador.
Sinasabing nakaboto na rin ang maybahay ni Pacquiao na si Jinkee sa nabanggit na lugar.
By Jelbert Perdez
Wala pang katiyakan kung makakapaglaro si Stephen Curry sa Game 3 ng Golden State Warriors at Portland Trail Blazers.
Ito ay sa kabila ng kanyang paglahok sa practice session ng Warriors, kanina.
Sa kanilang practice, mukhang normal at magaling na si Curry maliban sa brace na nakasuot sa kanyang kanang tuhod.
By Katrina Valle