Magtataas ang toll rates sa South Luzon Expressway (SLEX) at Southern Tagalog Arterial Road (STAR Tollway) simula Hulyo 1, 2026, ayon sa Toll Regulatory Board (TRB).
Ayon sa TRB, ang adjustment ay bahagi ng approved consolidated petition na sumasaklaw sa mga taong 2018, 2020, 2022, at 2024. Nauna nang ipinatupad ang unang tranche ng toll increase noong Enero ngayong taon.
Ipatutupad ng Star Infrastructure Development Corporation (SIDC) at ng SLEX, Inc. ng San Miguel Corporation ang bagong toll rate adjustments sa SLEX at STAR Tollway, kasunod ng aprubasyon ng TRB.
Narito ang mga aprubadong toll rates sa SLEX:
Alabang to Calamba
Class 1 – ₱137
Class 2 – ₱274
Class 3 – ₱411
Calamba to Sto. Tomas
Class 1 – ₱37
Class 2 – ₱74
Class 3 – ₱111
Ito ay katumbas ng pagtaas na ₱11, ₱21, at ₱32 para sa Class 1, 2, at 3 vehicles sa Alabang–Calamba segment.
Para sa Calamba–Sto. Tomas section, may karagdagang ₱3, ₱6, at ₱9 para sa Class 1, 2, at 3 vehicles.
Narito ang mga aprubadong toll rates sa STAR Tollway:
Sto. Tomas to Lipa (Section 1)
Class 1 – ₱64
Class 2 – ₱128
Class 3 – ₱192
Lipa to Batangas City (Section 2)
Class 1 – ₱57
Class 2 – ₱114
Class 3 – ₱171
Sto. Tomas to Batangas City (End-to-End)
Class 1 – ₱121
Class 2 – ₱242
Class 3 – ₱363
Sa Section 1, may dagdag na ₱4, ₱9, at ₱13 para sa Class 1, 2, at 3 vehicles, Sa Section 2 naman, may karagdagang ₱4, ₱8, at ₱12.
Para sa end-to-end trips, magbabayad ng dagdag na ₱8, ₱17, at ₱26 ang Class 1, 2, at 3 vehicles.
Layunin ng toll adjustments na pondohan ang patuloy na operasyon at maintenance ng mga expressway upang matiyak ang mas ligtas, at mas mabilis na biyahe ng mga motorista.
